О путешествующих
Святитель Иоанн Златоуст говорил: «Если молишься, то помоги и делом».
Молитва — свет души, а доброе дело укрепляет ее.
Храм — дом Божий, где молитва обо всех нас звучит непрестанно.
Восстанавливая разрушенные святыни, мы сохраняем веру и передаем ее потомкам. Поддержите это благое дело — пусть ваша помощь станет продолжением молитвы, добрым семенем, приносящим плоды на долгие века.
Тропарь, глас 2
Путь и истина сый, Христе, спутника Ангела Твоего рабом Твоим ныне, якоже Товии иногда, посли сохраняюща, и невредимых, к славе Твоей, от всякаго зла во всяком благополучии соблюдающа, молитвами Богородицы, Едине Человеколюбче.
Кондак, глас 2
Луце и Клеопе во Еммаус спутешествовавый, Спасе, сшествуй и ныне рабом Твоим, путешествовати хотящим, от всякаго избавляя их злаго обстояния: вся бо Ты, яко Человеколюбец, можеши хотяй.
Молитва
Господи Иисусе Христе Боже наш, истинный и живый путю, состранствовати мнимому Твоему отцу Иосифу и Пречистей Ти Деве Матери во Египет изволивый, и Луце и Клеопе во Еммаус спутешествовавый! И ныне смиренно молим Тя, Владыко Пресвятый, и рабом Твоим сим Твоею благодатию спутешествуй. И якоже рабу Твоему Товии, Ангела Хранителя и наставника посли, сохраняюща и избавляюща их от всякаго злаго обстояния видимых и невидимых врагов, и ко исполнению заповедей Твоих наставляюща, мирно же и благополучно и здраво препровождающа, и паки цело и безмятежно возвращающа; и даждь им все благое свое намерение ко благоугождению Твоему благополучно в славу Твою исполнити. Твое бо есть, еже миловати и спасати нас, и Тебе славу возсылаем со Безначальным Твоим Отцем и со Пресвятым и Благим и Животворящим Твоим Духом, ныне и присно и во веки веков. Аминь.
Молитва ко Пресвятой Богородице «Скоропослушнице»
Преблагословенная Владычице, Приснодево Богородице, Бога Слова паче всякаго слова на спасение наше рождшая, и благодать Его преизобильно паче всех приявшая, море явльшаяся Божественных дарований и чудес приснотекущая река, изливающая благость всем, с верою к Тебе прибегающим! Чудотворному Твоему образу припадающе, молимся Тебе всещедрей Матери Человеколюбиваго Владыки: удиви на нас пребогатыя милости Твоя и прошения наша, приносимая Тебе, Скоропослушнице, ускори исполнити все, еже на пользу во утешение и спасение, коемуждо устрояющи. Посети, Преблагая, рабы Твоя благодатию Твоею, подаждь недугующим цельбу и совершенное здравие, обуреваемым тишину, плененным свободу и различными образы страждущих утеши. Избави, Всемилостивая Госпоже, всяк град и страну от глада, язвы, труса, потопа, огня, меча и иныя казни временныя и вечныя, Матерним Твоим дерзновением отвращающи гнев Божий: и душевнаго расслабления, обуревания страстей и грехопадений свободи рабы Твоя, яко да непреткновенно во всяком благочестии поживше в сем веце, и в будущем вечных благ сподобимся благодатию и человеколюбием Сына Твоего и Бога, Емуже подобает всякая слава, честь и поклонение со Безначальным Его Отцем и Пресвятым Духом ныне и присно и во веки веков. Аминь.
Молитвы о путешествующих — это сборник прошений за тех, кто отправился в дальнюю дорогу: по суше, по воде или по воздуху. Разлука с близкими и неизвестность пути всегда вызывают тревогу, и Церковь предлагает мощное средство против этой тревоги — соборную и личную молитву. Эта православная молитва возносится к Богу, Пресвятой Богородице и святым покровителям путников (как святой Николай Чудотворец) с просьбой сохранить путешественников от всякого зла, болезней, неприятных встреч, благополучно завершить путь и здравыми вернуться домой. Если ваш родной человек находится в отъезде, вы можете читать молитву онлайн о нем каждый день, испрашивая ему небесного покровительства. Мы собрали для вас различные варианты молитв: краткие и пространные, чтобы вы могли выбрать подходящий текст молитвы и возносить его с верой и надеждой. Молитва о путешествующих — это проявление христианской любви и заботы, которая преодолевает любые расстояния.